21 ივნისს, ედინბურგში CEN და CENELEC-ის ყოველწლიური შეხვედრის ფარგლებში ხელი მოეწერა თანამშრომლობის შეთანხმებას საქართველოს სტანდარტებისა და მეტროლოგიის ეროვნული სააგენტოსა და მოლდოვას სტანდარტიზაციის ინსტიტუტს შორის.

თანამშრომლობის შეთანხმებას საქართველოს სტანდარტებისა და მეტროლოგიის ეროვნული სააგენტოს გენერალურმა დირექტორმა, დავით ტყემალაძემ და მოლდოვას სტანდარტიზაციის ინსტიტუტის დირექტორის მოადგილემ, ლილიან ბოსტანმა  მოაწერეს ხელი.

თანამშრომლობის შეთანხმება ემყარება ევროპული დებულებების ნორმებს და დებულებებს  განსაკუთრებით  "ღრმა და ყოვლისმომცველი თავისუფალი სავაჭრო სივრცის" (DCFTA) ნაწილში და ითვალისწინებს თანამშრომლობას ევროპული და საერთაშორისო სტანდარტების ეროვნულ სტანდარტებთან ჰარმონიზაციის სფეროში, აგრეთვე რიგ ღონისძიებებს, რომლებიც მიზნად ისახავს საქართველოსა და მოლდოვას ეროვნული სტანდარტიზაციის სისტემების განვითარებას.