2013 წლის 12 სექტემბერს სასტუმრო "რედისონში" ინფორმაციის თავისუფლების განვითარების ინსტიტუტის (IDFI) მიერ ჩატარებული კვლევის შედეგების პრეზენტაცია გაიმართა. საქართველოს სტანდარტებისა და მეტროლოგიის ეროვნული სააგენტო ინფორმაციის თავისუფლების განვითარების ინსტიტუტის მიერ დაჯილდოვდა  2012-2013 წლებში საჯარო ინფორმაციის ხელმისაწვდომობის უზრუნველყოფისათვის და ამ წარმატების დამადასტურებელი დიპლომი გადაეცა.

ინფორმაციის თავისუფლების განვითარების ინსტიტუტის (IDFI) კვლევის თანახმად, ყველაზე გამჭვირვალე საჯარო დაწესებულებების პირველ ოცეულში დასახელდა საქართველოს სტანდარტებისა და მეტროლოგიის ეროვნული სააგენტო და დაუყოვნებლივ  გაცემული საჯარო ინფორმაციის თვალსაზრისით    რეიტინგში მე-2 ადგილი დაიკავა. 2012- 2013 წლების კვლევის შედეგებმა აჩვენა, რომ სააგენტოში საჯარო  ინფორმაციის გაცემაზე შემოსულ მოთხოვნაზე (18 მოთხოვნა)  პასუხების  გაცემის მაჩვენებელმა 100 % შეადგინა.



GEOSTM