2013 წლის 10 დეკემბერს, სასტუმრო „თბილისი მარიოტში“, გაიმართა გერმანიის მეტროლოგიის ეროვნულ ინსტიტუტსა (PTB) და საქართველოს ხარისხის ინფრასტრუქტურის წამყვან ინსტიტუტებს შორის თანამშრომლობის პროექტის დახურვისადმი მიძღვნილი ღონისძიება: „10 წლიანი თანამშრომლობა PTB-სა და საქართველოს შორის.“

სემინარი ეხებოდა ხარისხის ინფრასტრუქტურის განვითარებას 10 წლის განმავლობაში, კერძოდ, ქართულ მეტროლოგიას, მიღებულ შედეგებსა და სამომავლო გამოწვევებს.

ღონისძიების მიზანს წარმოადგენდა პროექტის ფარგლებში მიღებული ცოდნისა და შედეგების სისტემატიზაცია, ხარისხის ინფრასტრუქტურასა და მეტროლოგიაში ამჟამად არსებული ვითარებისა და სამომავლო გამოწვევების განსაზღვრა, საქართველოში ხარისხის ინფრასტრუქტურის შემდგომი განვითარების მნიშვნელობასთან დაკავშირებით ინფორმირებულობის დონის ამაღლება.

სემინარში მონაწილეობდნენ საქართველოს ეკონომიკისა და მდგრადი განვითარების სამინისტროს, საქართველოს ხარისხის ინფრასტრუქტურის ინსტიტუტების, გერმანიის მეტროლოგიის ეროვნული ინსტიტუტის, კერძო ლაბორატორიების წარმომადგენლები და ხელმღვანელი პირები.


https://www.facebook.com/media/set/?set=a.765779030104390.1073741836.200994889916143&type=1



GEOSTM