2014 წლის 20 მაისს, სასტუმრო „შერატონ მეტეხი პალასში“, ევროკავშირის მიერ დაფინანსებული ყოვლისმომცველი ინსტიტუციური გაძლიერების პროექტის - „საქართველოს სტანდარტებისა და მეტროლოგიის ეროვნული სააგენტოს მხარდაჭერა (ENPI/2012/301-051) - ფარგლებში გაცნობიერებულობის ამაღლების სემინარი გაიმართა. ამავდროულად, სემინარი მიეძღვნა მეტროლოგიის მსოფლიო დღის აღნიშვნას, რომელიც 20 მაისს აღინიშნება.

ღონისძიების მიზანს წარმოადგენდა     ევროკავშირთან ასოცირების შეთანხმებისა და ღრმა და ყოვლისმომცველი თავისუფალი ვაჭრობის შეთანხმების გაფორმებისთვის მოსამზადებელ პროცესში მიღწეული პროგრესის პრეზენტაცია; ყოვლისმომცველი ინსტიტუტიციური განვითარების პროექტის ფარგლებში მიღწეული შედეგების მიმოხილვა ხარისხის ეროვნული ინფრასტრუქტურის კუთხით; კერძოდ საქართველოს სტანდარტების და მეტროლოგიის სააგენტოს სამი ლაბორატორიის (ტემპერატურა, ელექტრობა და მასის გაზომვები) საერთაშორისო აღიარების მიღწევა; სემინარზე ასევე მოხდა მეტროლოგიისა და სტანდარტიზაციის სფეროში სამომავლო გეგმებისა და პროექტების პრეზენტაცია.

სემინარი გახსნეს საქართველოს ეკონომიკისა და მდგრადი განვითარების მინისტრის მოადგილემ, ნათია მიქელაძემ და საქართველოში ევროკავშირის წარმომადგენლობის ხელმძღვანელის მოადგილემ, ბორის იაროშევიჩმა. ღონისძიებას ესწრებოდნენ საჯარო, კერძო და აკადემიური სფეროს წარმომადგენლები.



GEOSTM