24 მარტს, 18.00 საათზე ივანე ჯავახიშვილის სახელობის თბლისის სახელმწიფო უნივერსიტეტში, სსიპ საქართველოს სტანდარტებისა და მეტროლოგიის ეროვნული სააგენტოს  სტანდარტების დეპარტამენტის დირექტორმა  გიორგი ჩიტაძემ და მეტროლოგიის ინსტიტუტის დირექტორმა  ნინო მიქანაძემ სტუდენტებისთვის საჯარო ლექცია წაიკითხეს. საჯარო ლექციის თემა იყო: ,,საქართველოსა და ევროკავშირს შორის ასოცირების შეთანხმების, ღრმა და ყოვლისმომცველი თავისუფალი სავაჭრო სივრცის (DCFTA) ნაწილში მეტოლოგიისა და სტანდარტიზაციის მნიშვნელობა და ამ სფეროში ევროინტეგრაციის კუთხით დაგეგმილი რეფორმები.“ შეხვედრაზე მომხსენებლებმა ისაუბრეს DCFTA-ის ნაწილში მეტოლოგიისა და სტანდარტიზაციის მნიშვნელობაზე და ამ სფეროში ევროინტეგრაციის კუთხით მიმდინარე საკითხებზე და პერსპექტივებზე. ღონისძიების ბოლოს გაიმართა დისკუსია.



GEOSTM